Sajhakura Dainik - नेपाल जेसीज क्षेत्र ‘ख’ सम्मेलन– २०७६ सदस्यबीच भाइचाराको सम्बन्धका साथै व्यक्तित्व विकासमा महत्वपूर्ण
तपाई, हामी, सवैकोकुरा, राष्ट्रिय दैनिक साझाकुरा
अन्तर्वार्ता

नेपाल जेसीज क्षेत्र ‘ख’ सम्मेलन– २०७६ सदस्यबीच भाइचाराको सम्बन्धका साथै व्यक्तित्व विकासमा महत्वपूर्ण


अन्तर्वार्ता 48 पटक पढिएको


नेपाल जेसीज क्षेत्र ‘ख’ सम्मेलन– २०७६ सदस्यबीच भाइचाराको सम्बन्धका साथै व्यक्तित्व विकासमा महत्वपूर्ण
सुनिल अधिकारी// युवाहरुको नेतृत्व र भातृत्वको विकास गर्दै मानवताको सेवाको पवित्र उद्देश्य बोकेर सन् २०११ मा स्थापना भई समाजको आर्थिक सामाजिक क्षेत्रमा आफ्नो महत्वपूर्ण उपस्थिति जनाइरहेको छ ।

 छोटो अवधिमा नै बस्तीपुर जेसीजले नेपाल जेसीजले आयोजना गरेका राष्ट्रिय कार्यक्रमहरु क्षेत्र ‘ख’ अध्यक्ष भेला २०१५ र नोम÷लोम लिडर्स एकेडेमी–२०१६  सफलताका साथ सम्पन्न गरिसकेको छ । बस्तीपुर जेसीजले राष्ट्रिय स्तरको कार्यक्रममध्ये एक महत्वपूर्ण कार्यक्रममध्ये क्षेत्र ‘ख’ सम्मेलन आज शुक्रबारदेखि हेटौंडामा आयोजना गर्दैछ । २०१८ मा पर्वत जेसीजले आयोजनाको गरेको क्षेत्र ‘ख’ सम्मेलनपछि २०१९ का लागि क्षेत्र ‘ख’ सम्मेलन हेटौंडामा हुन लागेको हो । जेसीजले यस सम्मेलनलाई मकवानपुरको अवसरका रुपमा लिएको छ । जिल्लाको कला–संस्कृतिको संरक्षणमा यो कार्यक्रमले पूर्ण सहयोग गर्ने विश्वास पनि राखिएको छ । आज शुक्रबार र शनिबार हुने सम्मेलनमा सहभागी हुन  जेसीजको क्षेत्र ‘ख’ का ३२ वटा विभिन्न शाखाहरुबाट करिब ६ सय युवा हेटौंडा आएका छन् ।

सम्मेलनको विषयमा रहेर बस्तीपुर जेसीजका अध्यक्ष सुनिल अधिकारीसँग गरिएको कुराकानीः


जेसीज क्षेत्र ‘ख’ सम्मेलन पहिलो पटक बस्तीपुर जेसीजले आजबाट सुरु गर्दैछ । यो कस्तो सम्मेलन हो ?

क्षेत्र ख मा नेपाल जेसीजको ३२ वटा शाखाहरु आवद्व छ । आउन चाहिँ यसमा नेपालभरिका जेसीजका सदस्यहरु आउँछन् । विशेषतः यो सम्मेलन जेसीजका सदस्यहरुबीच भाईचाराको विकास तथा व्यक्तित्व विकास गर्ने हो । 

यो सम्मेलनको मुख्य उद्देश्य के हो ?

नेपाल जेसीजको तालिकामा ४ वटा क्षेत्रहरु छ । ती ४ वटा क्षेत्रले एक वर्षभित्रमा एउटा क्षेत्रले यसको आयोजना गर्दछ । अब यसको मुख्य उद्देश्य भनेको चाहिँ १८ देखि ४० वर्षभित्रका युवाहरु यसमा आवद्व हुन्छन् । ती युवाहरुको नेतृत्व र व्यक्तित्व विकासमा सहयोग पु¥याउनु हो । 

सम्मेलनमा कहा“कहा“बाट कति संख्यामा उपस्थिति रहन्छ ?

यस सम्मेलनमा मुलतः नेपालभरिकै युवाहरु सहभागी हुन्छन् । क्षेत्र ‘ख’ बाट चाहिँ कम्तिमा हरेक शाखाबाट १५ देखि २० जना  गरी ६ सय भन्दा बढी युवाहरुको सहभागिता रहन्छ । 

सम्मेलन भइरह“दा यसले हेटौंडामा चाहि“ कस्तोप्रभाव छोड्छ ?

यो भन्दा पहिला लेडी जेसीज र बसामाडी जेसीजले पनि गरेको थियो तर बस्तिपुर जेसीजले भने पहिलो पटक गर्न लागेको हो । त्यसले पनि हेटौंडामा राम्रो नै प्रभाव पारेको थियो । अहिलेको सम्मेलनले हेटौंडाको पर्यटकीय प्रवद्र्वनमा राम्रो प्रभाव पार्छ । हामीले सम्मेलनमा सहभागी हुन आउने सबैलाई मकवानपुरको पर्यटकीय स्थल घुमाउने पनि निर्णय गरेका छौं । त्यसैले पर्यटन विकासमा त पक्कै पनि राम्रो प्रभाव पार्छ । 

युवाहरुको नेतृत्व र व्यक्तित्व विकासको लागि जेसीज अभियान भनिरह“दा जेसीजभित्र केही विकृति देखिन्छ, यसलाई कसरी लिनुभएको छ ?

हरेक संघ सस्ंथामा धेरै थोरै केही न केही नराम्रा पक्षहरु पनि हुन्छन् । समाजले यो गर्न हुने , त्यो गर्न नहुने भनेको जस्तो सीमा तोकिदिएको छ । त्यसको आधारमा समाजमा नपच्ने केही कामहरु पनि हुन सक्छ । तर पनि जेसीजले सिकाएको आधारमा नै जेसीजको साथीहरु हिँडेकै कारण ठूलो नेतृत्व लिने ठाउँमा पुगेको उदाहरण पनि छन् । सानोतिनो कहिँ न कहिँ देखिन्छ त्यसलाई म बृहत रुपमा लिन्नँ । 

जेसीजभित्र सानोतिनो विकृतिहरु त छन् भन्नुभयो । त्यो विकृतिलाई हटाउन के गर्नुपर्ला ?

पहिलाको अनुपातमा अहिले त्यस्तो विकृतिमा बिस्तारै कमी आइरहेकै छ । भर्खरका युवाहरु जेसीजमा प्रवेश गरेका हुन्छन् । आचरणमा नै त्यस्तो केही पनि विकृति छैन । कहिले काहिँ खाईपाईमा विकृति जस्तो देखिने हो । त्यो पनि क्रमिक रुपमा हट्दै आएको छ । सामाजिक दायित्वको बारेमा ज्ञान हुँदै गएपछि त्यो स्वतः हट्छ । त्यसको लागि केही गर्नुपर्दैन । 

अलिक बढी पैसा र पहु“च भएकाहरु मात्र जेसीजमा अट्न सक्छन् भनिन्छ नि ।

जेसीजमा आर्थिक हैसियतको कुरा म खासै देख्दिन । हाम्रो बस्तीपुर जेसीजमा धेरै जस्तो शिक्षक पेशामा आधारित सदस्यहरु हुनुहुन्छ । शिक्षकले नै अध्यक्ष बनेर जेसीजको एक वर्ष नेतृत्व गरिसकेको अवस्था पनि छ । शिक्षकको आर्थिक आयस्रोत त्यतिमाथि नभएपनि नेतृत्व राम्रो गर्नुभएको थियो । आर्थिक हैसियत हुनेले चाहिनेभन्दा बढी गर्छन् भने कम हुनेले चाहिने जत्ति मात्रै गर्छन् । एउटै कार्यक्रम २० हजारमा पनि गर्न सकिन्छ भने ५ लाख पनि खर्च गर्न सकियो । त्यसैले जेसीजले खर्च गराउने होइन । सामाजिक काम गर्न र जेसीजमा लाग्न धेरै आर्थिक रकम चाहिँदैन । सामान्य आयस्रोत भएका मान्छे पनि लाग्न सक्छन् । 

यो क्षेत्र ‘ख’ सम्मेलनले युवाको क्षमता विकास र सामाजिक सेवाको लागि के कस्तो रणनीति बनाउ“छ ? 

यसमा मैले ठ्याक्कै यस्तो हुन्छ भन्ने अवस्था छैन । नेपाल जेसीजको प्रतिनिधि आएपछि मात्रै थाहा हुन्छ । हामीले कार्यक्रमको सम्पूर्ण तयारी गरेर नेपाल जेसीजलाई हस्तान्तरण गर्ने हुँदा यो अहिले नै थाहा हुने विषय होईन  । व्यापार व्यवसाय, सामाजिक कार्य तथा व्यक्तित्व विकाससम्बन्धी विभिन्न ६÷७ वटा क्षेत्रमा सम्मेलनमा छलफल तथा प्रस्तुतीकरण हुन्छ । त्यसैको आधारमा पछि थाहा हुन्छ । 

घोषणापत्र पनि जारी हुन्छ भनिएको छ, त्यो घोषणापत्र कसकसले लागू गर्छन्, समग्र राष्ट्रिय जेसीजले त्यसलाई अवलम्बन गर्छ ?

यो कार्यक्रमको समापनको केही क्षणअघि दुई दिनको सम्मेलनले कस्तो खालको छाप छोड्यो भनेर छलफल हुन्छ । त्यसपछि बस्तीपुर जेसीजले घोषणापत्र जारी गर्छ । दुई दिनमा केके गर्यौ ? त्यसले समाजमा कस्तो खालको प्रभाव पा¥यो भन्ने बारेमा घोषणा पत्र जारी गर्छौँ । 






कमेन्टसहरु




2639755 Times Visited.
Sajhakura National Daily
Hedambi Chowk, Hetauda -1, Makwanpur, Phone / Fax : 057-521115, http://www.sajhakura.com.np, Email: sajhakura@gmail.com
Sabin Neupane, Publisher/Editor, 9855067337
संचालन तथा प्रायोजनको हक सर्बाधिकार © साझाकुरा राष्ट्रिय दैनिक २०७४ मा सुरक्षित रहनेछ ।
Powered by :
Top